رواية يا صاحب اللحية - رواية جميلة
عنوان الموضوع : رواية يا صاحب اللحية - رواية جميلة
مقدم من طرف منتديات الشامل
رواية يا صاحب اللحية
"حقيقيه جزء من الخيال"
في امريكا
اصيل بنبرة حزن:ماما رح نرجع لبلدتنا بعد ما استقرينا فامريكا ؟
الام(سيرين):اصيل حبيبتي ايش حنسوي هنا احنا لحالنا و ابوكي مات قبل شهر
اصيل:طب عادي بنقعد و بنكمل حياتنا مو لازم نروح هناك كمان اهل بابا بيكرهونا احنا الاثنين
سيرين (يالله كيف رح اقنع هالبنت نفس ابوها عنيدة):يا بنتي يا حبيبتي ياروحي عمك رجع من المانيا ورح نرجع معاه وجدك طلب انو نرجع ابوكي وصاه انو نرجع
اصيل رجعت نبرة الحزن: بس ماما هنا عندي اصحابي و حياتي و دراستي و طموحي
سيرين:اصيل حبيبي رح نروح و رح تدرسي باحسن المدارس ورح تتعرفي على اصحاب جدد
اصيل كانت الدموع بتنزل:طيب خلاص انا حروح انام
وراحت لغرفتها و بدات تبكي و تتذكر ابوها خايفه ايش رح يصير مع اهل ابوها اما سيرين كانت خايفه من يلي حيصير مع اهل زوجها و جلست تتذكر اول ما حبت ابو اصيل كان اسمو حسن
حسن:سيرين ياتي اليوم رج اكلم اهلي و اجكي بكرا و اخطبك و تكوني ليا لحالي
سيرين وكلها خجل :ان شاءالله حسن
رجع حسن واول ما دخل البيت راح للاب فالمكتب و دق الباب
ابو خالد بنبرة حادة :اتفضل
حسن دخل و كان حاس بامل كبير و فرحان :السلام عليكم
ابو خالد :وعليكم السلام تبا شي يا حسن ؟
حسن :ايوا يا ابوي خلاص قررت اتزوج
ابو خالد و كانت الفرحة باينة عليه (اخيرن رح ازوجك لبنت اختي يا حسن):مبروك مبروك خلاص ابشر امك و عمتك
حسن :ابوي انا مارح اخذ بنت عمتي في وحدة فبالي من زمان و اباها
ابو خالد : لايكون ما تناسبنا ؟
حسن :ابوي هيا مو مننا هيا من مدينه ثانيه
ابو خالد :من وين يعني ؟
حسن :من الاردن و انا احبها و ابيها اليوم قبل بكرا
ابو خالد بنبرة عصبية :مارح اسمحلك مارح تتزوجها
و بعدها حسن اتزوج سيرين و سافر معاها و اهل حسن اول ما عرفوا الاب ما استحمل و تعب لكن انقطعت علاقتهم بسيرين ولا احد شاف سيرين او اصيل الا عمهم صقر و كان في المانيا وهوا يعرف كل شي بينهم
رح نتعرف على عائلة حسن
حسن:ضحى بكل شي عشان سيرين و يحبها ولا يقدر يبعد عنها عاش فامريكا ما يقارب عشرين سنه اسس شركة غير عن شركة اهله لكن مه مثل شهرة شركة اهله يحب يدافع عن اخوانه و توفا وقت ما كان عمر
سيرين :عمرها 40جميلة جدا تشبه امها ضحت بحياتها عشان حسن اهلها ماتو اثر زلزال عاشت حياها مع جيرانها امراة قوية ضعيفة وقت ما تشف بنتها تحتاج لاب تكره اهل زوجها
اصيل :عمرها 18 جميله و نسخه من امها كثير طلبو منها انو يكون بينهم علاقة حب لكن رفضت لانها تبا امها تكون مرتاحه ولا تشغل بالها اهم شي عندها امها و دراستها تتتمنى لو ابوها كان معاها دايما تكتب فمذكراتها اتعلمتها من ابوها عنيده جدا تكره المغرورين لكنها طيبه
في المانيا
زين بتجري وراحت لصقر وهوا نايم و نطت عالسرير :بابا قوم يلا الاكل
صحي صقر و كان يحاول يفتح عيونو:ياعيون وروح بابا
راح باسها و شالها و الين نرجس تشيل الصحون راح باس يدها وساعدها
نرجس:حبيبي ارتحت ؟
صقر بيضحك عليها عشان تبوس فمه :لا
نرجس:ليه حياتي لا يكون حلمت بكابوس ؟
صقر بيكمل الكذبة :لا بس حبيبتي نسيت تبوسني عشان ارتاح
نرجس استحت و بتحاول تصرف صقر:خلاص يلا ناكل حبيبي
صقر راح باسها بسرعة و زين تزعق :روحو الغرفة مو قدامي
صقر صار يضحك : وين عز ؟
عز : انا هنا موجود
صقر :عبو نفسكم ترا بعد بكرا نسافر لا تنسو و حتكون معانه خالتكم سيرين و بنتها عز ما اباك تضارب معاها
عز (ياليل ذي البزره حكون معاها ):بابا انا اكبر منها باربعه سنين هيا المفروض تحترمني و ما تعاند
نرجس سارت تضحك و فجاة عز باسها و خلصو و كل واحد راح يسوي شي
عايلة صقر
صقر :عمره 45 جميل لكن ما يشبه احد الا حسن يحب نرجس يشتغل فشركة ابوه يتمنى ما يرجع لاهله لكن ما يقدر يقولهم لا مغرور و يغار مرا على نرجس
نرجس :عمرها 40 بنت عم حسن عاشت معاه احلى ايام حياتها و رح تعيش معاه ايام ثانية احلى طيبه لابعد درجه اسرارها عند سيرين و اسرار سيرين عندها
عمرها 43
زين:عمرها 7 سنين طيبه و مغروره لسانها طويل لسا صغيره مارح نتكلم عنها كثير لكن لمن تكبر رح تصير مواقف كثير معاها
عز : عمره 22سنه مغرور لابعد الحدود طالع جميل و عندو معجبات كثير قعد مع اصيل اسبوع و كان الاسبوع كلو مضاربات
في مدينه بعيده جدا عنهم في جدة
كان الجد فغرفة المكتب و معاه صورة حسن نزلت الدمعه و مسحها
ابو خالد (انا الغلطان لو كنت خليتك تتزوجها برضاي كان ما رحت عني ولا شفتك ولا شفت بنتك )
دخلت ام خالد :ابو خالد ترا خالد و حمد وحمدة تحت خلينا ننزل
طالع فيها و وراها صورة ولدها حسن و سارت تبكي عليه و حضنها
ابو خالد :ابا اقولك بس كان المفروض تكون مفاجاة
ام خالد :اي هيا يا ابو خالد؟
ابو خالد :رج تجي سيرين و اصيل بنت حسن و صقر و زوجته واولاده
ام خالد فرحت و باست راسه و نزلت معاه لتحت و قعدت مع اولادها و احفادها و لا قدرت تستحمل و قالتلهم
رح نتعرف على العايله كلها
ابو خالد (الجد):عصبي يخاف على اولاده لكن ما يبين اهم شي عنده تكون شركاته لاولادة ولا احد يضارب على الفلوس
ام خالد (الجدة):طيبه تغطي على اولادها من بعد موت حسن و هيا متاثرة و ما تلم ابو خالد الا فشي مهم تكره اخت ابو خالد لانها هيا السبب فكل شي صار لولدها
عايلة خالد
خالد :عمره 50 متزوج بنت خالته اكبر الاولاد كان يكلم حسن لكن ما يحب لا سيرين واصيل و بعد ما اتوفى معد صار يكلم احد فيهم
امينه :عمرها 45 طيبه فحالها اهم شي اولادها و لا تحب المشاكل
عمار :متزوج من اخت صاحبه اسمها نورة عنده ولد اسمو خالد على اسم ابوه وبنت اسمها حنين
عزام :متزوج من بنت خالته عنده بنت اسمها نورس
نور ونورة :اعمارهم 18 توم يشبهو بعض لكن الفر نور عندها شامه فيدها لكن نوره ما عندها اثر اثنين مجانين و لعابين و يحبو يقعدو مع بنت عمتهم حمدة
عايلة حمد
حمد :عمره 43طالع لامه طيب لكن ما يهمه كلام الناس متزوج من بنت عمه لكن مايحبها
حسينه :عمرها 42تكره الكل ما تحب احد اهم شي عندها بنتها تتزوج عز و وولدها يتزوج اصيل عشان ياخذو فلوسهم
عبدالله :عمره 29 سنه طماع يحب الفلوس يحب يلعب بالبنات اهم شي عنده انو يلعب و يكسب فكل شي و الفلوس
سحر:عمرها 18فيها غرور و تحب تقهر الناس تكره احد يحب عز و تباه من هيا صغيره و تحب تشوف نفسها انها احلى الناس بس لاكنها جميله لكن فوجهها شامه مخليه جمالها يروح
عايلة حمدة
حمدة :عمرها 39 اصغر وحدة من اولاد ابو خالد كانت تحب ولد عمها و اتزوجتو تخاف تسوي شي يعصب ابوها فكانت تسوي اي شي يباه و لا تحب تضايق زوجها
محمد :عمره 41يعشق حمدة يشتغل فشركة عمة و شركة ابوه و مرتاح معاهم عنده حمده اهم شي بحياته
لينة :عمرها 18اكثر بنت مجنونة فالمدرسة وبكل مكان لكن ما قيد عصبت اهلها باي شي
في احياء جده القديمه
معتز:كوثر فينك انتي ترا رح اقتلك لو مارديتي بسرعه
كوثر تجري لزوجها و هيا خايفه و دموعها على خدها على حالتها معاه :نعم تبا شي
معتز بعصبية :انا لمن اناديكي تردي بسرعه فاهمه
كوثر :طيب
معتز :ترا بكر رح تغيبي اشوفك تداومي
كوثر : حرام عليك غياباتي كثير وعطوني اكثر من انذار
معتز :كيفي كفايه طاح يلي فبطنك والسبب دوامك
كوثر بحزن :انا تعبت منك انتا قلت محا تخليي احمل وقت الدراسه الين ما اتخرج مو كفايه اتزوجتك غصبن عني
مسك شعرها بقوة :انا لمن اكلمك تقولي طيب و بس فاهمه
و بدات تبكي :طيب حاضر خلاص سيبيني
دفها برجولو :انقلعي فكيني
معتز :عمره 30 انسان قاسي اتزوج كوثر عشان ينتقم من اخوها و ابوها وضحك عليهم و صار يعذبها و يكرها فكل شي
كوثر :عمرها 18 مع نور و نورة ولينة وسحر لكن ما يعرفوها دايما تغيب بسبب زوجها ندمت على كل شي تكره ابوها و اخوها لانو زوجوها عشان الفلوس و الطمع
جاء يوم السفر اصيل و سيرين كانو خايفين ايش رح يسير فيهم و ليه الجد يباهم و من جد كان وصية حسن انهم يرجعو ركبو الطيارة و اتوجهو من امريكا لالمانيا بعدها شافو صقر و نرجس
صقر:هلا هلا نورة المانيا ببنت اخوي
اصيل :عمي حبيبي و سلمت عليه
نرجس سلمت على سيرين
سيرين :نرجس خايفه مو عارفه ايش اسوي انا اخر مرا قابلة عمي قبل لا يجيني حسن و كان يزعق
نرجس :حبيبي سيرين لا تخافي انا معاكي
و زين حضنت اصيل من ورا :وحشتيني
اصيا حضنتها بقوة : وحتى انتي
و شافت عز بس شمقت فوجهو ولقت امها تفرصع خافت وراحت سلمت عليه
عز :ادري انك تحبيني
اصيل من بين اسنانها:بس عشان ماما
ركبو الطياره و اصيل وعز طلعو جمب بعض و كانت المضسفه كل شيه تمر من عند عز و تغمز و اصيل طفشت منها الين ما مدت رجولها و طاحت وسوت نفسها نايمه و عز صار يضحك عليها
اصيل :عز انتا قيد جيت السعودية ؟
عز :يمكن تقريبا خمسه مرات بس ترا امريكا و المانيا احلى كثير
اصيل بحزن :طب نحنا رح نعيش هنا كثير ؟
عز وبغرور :اتوقع بس شكلي حلاقي بنات كثير معجبين فيا
اصيل :اقول انتا لو عند القمر حتكون اعفن
عز عصب بس خصرها :انتي ليه خايفه من جدي و عماني و عمتي ؟
اصيل :لانهم ما يحبونا كلهم يكرهونا محد كان يكلمان الا عمي صقر ولا يطمن علينا اخذو بابا و دفنوه هناك ولا همهم فينا ماما حكتني عنهم ايش سوو
عز :خلاص لا تخافي منهم مدام جدي ناداكم يعني رح يكون طيب يلا نامي باقيلنا كثير
اصيل بعناد:لا ابا اقعد صاحية
عز (ياربي عنيدة يالطيف بس):بكيفك شوفي دحين ديك البنت رح ترسلي بوسه
وبعدها بثلاثة ثواني رسلت اصيل خصرتو و سارت تتفرج بجوالها على صور اصحابها
التكمله بكرا .....
<center> >>>>> ردود الأعضـــــــــــــــــــاء على الموضوع <<<<<
================================== </center>
" الجزء الثاني "
في جده
الجد (ابو خالد):يلا يا ام خالد كل شي جاهز صح ؟
الجدة (ام خالد):لا تخاف جهزت كل شي بس متى رح يوصل صقر وزوجته و الباقين
الجد (ابو خالد):بعد ساعتين رح يجيبهم حمد والسواق
"بيت الجد عبارة عن قصر كبير طلب من الكل لمن يتزوج يعيش فالبيت بس حمدة وزوجها عايشين خارج القصر خالد و امينة و نور ونورة اما الاولاد كل واحد طلب يعيش في بيت لحاله و حمد وحسينه نفس الشي هما و اولادهم "
في غرفة سحر
حسينه :يابنتي يلا اباكي احلى وحده الايوم و عز ما يشوف غيرك
سحر:طيب يا ماما لا تخافي حخليه خاتم فاصباعي
حسينه:اسمعي قبل ابوكي يخرج روحي مع السواق وخليكي لاصقه فعز طيب ؟
سحر : من عيوني يلا خلاص دحين حلبس
في غرفة نور ونورة
نور:نورة تتوقعي اصيل من البنات المدلعين و مغرورة زي سحر ؟
نورة :معرف بس يمكن
نور ضحك بقوة ولا قادره تتكلم :ههههه شوفي لينه ههههه مجنونه وربي
نورة و تنط و تشوف جوال نور:ايش صار كمان ؟
كانت لينه مصوره الشغاله وممكيجتها و كان شكلها يفجع و ترسل بوسات
فالمطار
كان وقت هبوط الطيارة و اصيل و سيرين متوترين و الخوف باين عليهم من عيونهم
وصل حمد مع سحر عند انتظار المسافرين
اصيل و هيا تطالع فالحريم لابسين عبايات :عز كيف حجيب زيهم ؟
عز يحاول يخليهم تسكت :اسكتي حيضحكو عليكي امي رح تديكي اتوقع معاها
جات سيرين و مسكت اصيل و ادتها العباية :اصيل حبيبي يلا البسيها
اصيل عجبها شكل امها بالعباية :شكلك يجنن خلاص دحين حلبسها
اول ما انفتحت البوابه الكل خرج كانت سيرين متحجه و اصيل خلت الطرحه و نرجس اتحجبت صقر شاف حمد وسلم عليه واول ما شافتهم اصيل مسكت عز :هيه مين دا
عز و بغرور:هذا عمنا حمد و سحر بنت عمي تراها معجبه فيا و تضارب مع يلي يقعد معايه
اصيل :والله ؟
عز مستغرب :ايوا !
اصيل باستهبال :تباني اشوف قد ايشت تحبك ؟
عز: لا مولازم
سحر(يووهه مين ذي كمان مو كفاية البنات الثانين لايكون هذه اصيل):عز مارح تسلم علينا
راح عز وسلم على عمه وسحر و معاه زين حمد شاف سيرين و اصيل :كيف حالكم
اصيل (بس هذه الكلمة يلي تقدر تقولها ) :الحمدلله احنا طيبين
حمد بمزح :ماشاء الله تعرفي لهجتنا و كلامنا
اصيل بدات تعصب :احنا وين حنروح انا وماما ؟
سيرين (ياربي دي البنت حتخليهم يذبحونا)و بصوت محد يسمعه غير صقر :اصيل يا بنت عيب عمك زي ابوكي احترميه
اصيل بعناد :ماما لو زي بابا كان سأل عننا
صقر حس انو يمك تصير مشكلة مسكيد نرجس و زين :يلا حمد نرجع البيت مرا دايخ
حمد :طيب
حمد طالع في سحر:يلا بابا خلاص انتي روحي مع عز و سيرين و اصيل و انا حيجي عمك معايه وزوجته و زين
سحر(اوف ياربي لازم معانه انا حخلي ماما تفكني منهم محا اقدر اقعد مع حبيبي)
كل واحد ركب السيارة
مع السواق
اصيل تطالع فالطريق و فجاه فجعت الكل بصرخة :ماما ما ابا رجعيني امريكا
عز صار يضحك و سحر تشمق:خير مو عاجبتك جدة يعني ؟
اصيل بحزن :ماما ابا اروح لاصحابي خلاص كفايه شفنا اخ بابا الثاني خلينا نرجع
سيرين شوية وتبكي على بنتها (خلاص حبيبتي استحملي لازم نشوف ايش رح يسير معانا و بعدها حنرجع لا تخافي اصبري):اصيل خلاص وصلنا و نحنا الطريق مافي رجوع
فسيارة حمد
حمد كان معصب من تعامل اصيل معاه:اصيل البنت دي ما اتربت انا حخلي ابوي يربيها من جديد لسانها طويل بزيادة
صقر:يا حمد البنت ما غلطت ترا احنا ما نكلمهم و فجاه تباها تكون بيننا و احنا ولا حتى نطمن عليهم
حمد(صادق بس ايش نسوي ابوي طلب كذا ما نقدر نقول لا)
وصلت السيارتين اصيل عجبتها البوابه كبيره و فيها حارسين امن و اول ما انفتحت البوابة كانت بالنص نافورة كبيرة و في من اليمين و اليسار حديقة كبيرة وقفت السيارة عند باب كبير الكل نزل و انفتح الباب و تخرج الجدة ام خالد كانت ضحكتها اجمل مافيها و السعادة باينه عليها سلمت على صقر و نرجس و زين وعز و كان الدور بعدهم اصيل حضنت اصيل و كان باين على اصيل الخوف و الارتباك و شافت سيرين و ابتسمت (حتى لو هيا يلي كانت السبب انها بعدت ولدي حسن عني بس هيا زوجته و رح تذكرني فولدي) سلمت على سيرين :سيرين انا مازعلت منك ولا رح ازعل لانو يلي اختارك هذا حبيبي و عيوني وقلبي
سيرين ارتاحت (الحمدلله خفت انهم رح يبعدو اصيل عني)
و دخل الكل و كانت الصاله كبيرة على اليسار و كان فيها خالد و كان الدرج بالنص و كانت طاولة الطعام الطويلة فاليمين الكل سلم على خالد لمن حضن اصيل :انتا عمي خالد ؟
خالد(كيف عرفتني):ايه
اصيل بقهر:كنت تكلم بابا وقت ما كان عايش اول ما مات ما صرت حتى تدق تتطمن كيف تكون عم
خالد سكت و الجدة دموعا اتجمعت وسلمو على حسينه يلي كانت مقهورة من سيرين واصيل و اصيل بدات تتعرف على ور ونورة و نزل الجد و قام صقر يسلم عليه
اصيل (هذا جدي؟):نورة مين هذا؟
نور ونورة مع بعض :جدي
اصيل سارت تطالع فامها و خايفه يبعدوها عن امها و سيرين كانت بتفكر نفس تفكيرها
اشوفكم يوم الخميس...
__________________________________________________ __________
أختي الكريمة
مرحبا بقلمك معنا
مرحبا بروايتك الجميلة
التي تبدو من بداياتها رائعة
في إنتظار ما يبوح به قلمك
من المتابعين
لك خالص تحياتي
__________________________________________________ __________
__________________________________________________ __________
__________________________________________________ __________
