يالبيه ياحفر الباطن (سالفتي)

عنوان الموضوع : يالبيه ياحفر الباطن (سالفتي)
مقدم من طرف منتديات الشامل

السلام عليكم ورحمة الله وبركاته
أخباركم طيبين وشلونكم
عساكم ماأستنكرتو علي شي
وش حال الذود
والزمل وش صار عليه
كيف أصبحتوا
وكيف أمسيتو
وش حالكم
<وش رايك في سلامي
المهم
ما أطول عليكم <كل هذا وماطولت
والله يا أني داخل ومافي راسي موضوع بس قلت أكتب يعني أكتب يعني أكتب

نبدا:
في أحد الأيام الجميله كنت أنا في صف الثاني ثانوي
والله يذكر ثاني ثانوي بخير
أحس أنه مرحلة النوم العميق
كنت أسحب الرقده من الحصه الأولى إلا الحصه السابعه
ولا ينكد علي رقدتي ألا مدرس الفيزياء لادخل قال قم واقف

المهم هذا موب موضوعي
موضوعي هو: كنت صاف طابور في أحد الأيام الجميله
وكنت متحمس مع التمارين الصباحيه<إي هين
وفجأه أشوف مشرف واقف مع المدرسين ويكلم المدير
وأنا أشوفهم من بعيد يتكلمون شوي ويطالعوني كل شوي يناضرني وفجأه المشرف أشر بمصبعه علي وكنه يقول للمدير هذا هو
قلت ياويلك يافتو شكلهار راحت في شربت كنور
وأنا أجلس أفكر وشني مسوي وشني مسوي بالعكس أمس كنت ممتاز لانمت في الفصل ولا وقفني ولا مدرس وحال واجباتي ولاصفقت أحد ولا أحد صفقني
بس قلت بنشوف أخرتها مع هالمشرف
وفجأه وبدون مقدمات المدير يتجه نحوي ويقترب ويقترب ويقترب إلا أن صك كتفي كتفه وقال:إذا خلص الطابور تعال في المكتب أبيك
قلت :سم أمر<شكلي اليوم مجلود مجلود
ويوم خلص الطابور رحت وش يبي هالمدير دخلت المكتب وقال تفضل أسترح المشرف يبيك سلمت عليه وقلت أمر
قال مايامر عليك عدو
بس كن الجو هنا إزعاج خل نروح لغرفة الإجتماعات<يبي ينفرد بي
المهم رحنا لغرفة الاجتماعات وبدأ يتكلم صار عندهم مسابقه في حفر الباطن في أقسام واجده يمكن ست أقسام :القران والسنه والمقاله والطالب المثالي والتطبيق الإثرائي للمحافضه على البيئه
وأنا مرشح التطبيق الإثرائي
وواحد معي بس من ثانوية ثانيه صار هذا بعد أعرفه وخوي الروح بالروح أسمه عبدالله ونسميه في الحاره بيل قيتس <حريف كمبيوتر إنما إيه
المهم جهزنا العرف خلال أسبوع كامل وأنا نشتغل فيه
وصار بكره موعد الرحله
قلت خل أروح السوق أشتري كم حاجه ورحت وشريت لين عجزت ورجعت البيت وأدخل غرفتي وألقا ست الحبايب ماما جالست على سريري وتصيح المسكينه وتقول:بتروح وتخليني وبالطياره وأنا أمك أنتبه لا تطيح بك وإذا رحت هناك خلك رجال لاتفشلنى وإذا قوموك لصلاة الفجر فقم وخلك أديب فاهم وأنا أمك (طبعا أنا عطيتكم مختصر محاظره مدتها ساعتين)
قلت فاهم يمه
خل أنام عاد عشان رحلتنا الساعه ست الفجر
المهم قمت الساعه خمس تسبحت وتكشخت وجيت بألبس جنز وأتذكر الشباب الي معي مطاوعه الله يجزاهم خير
إلا الداشر عبود
وأردها في ثوب وأطق الكوبرا وألبس ذيك الجزمات الي من جلد الضب
وأطلع للمطار وألقا الشباب مجتمعين ماشالله تبارك الله
الله لايضرهم حبيتهم وحبيت إلتزامهم كلهم ثياب قصيره وكل واحد ماسك في يده مصحف وفي ثمه مسواك
كلهم مطاوعه وباقي عبود ماجاء ونجلس ننتضره لين جاء ويسلم عليهم وينصاني
ويقول :فتو بنروح مع هذولا
قلت له:لالا يارجال شفت ذيك الأمريكيه الي في يدها كلب ذيك الي هناك واقفه هذي بنروح معها أكيد بنروح معهم أجل وش تضن

المهم قالو يالله ياشباب أدخلو بسرعه
ويقولي عبود:خل يروحون يحملون الشناط ويكملون الإجراءت لين ناخذ لفه على صالة الرحلات الدوليه
قلت :والله فكره خل نروح
ونروح نفرفر نفرفر نفرفر
لين دق علينا المشرف
المهم عشان ما أطولها وهي قصيره وصلنا للحفر وسكنا في فندق بودل فندق فله كل شي فيه إلا الوسكي
المهم دخلنا الغرف
وحجزت غرفه فيها سريرين واحد لي وواحد لعبود
وغرفه لمشرفنا أبوعبدالعزيز
وغرفه لناصر وسعد
وباقي محمد لحاله محمد هذا قصته قصه طبعا هو مصري أخينا ودايم لابس غتره كنه ياسر السليماني الي يجي في قناة بدايه ذاك الغثيث الي أربع وعشرين ساعه يقول:أسأل الله أن يحرم وجهك عن النار

بس محمد مايلبس عقال حاشر الغتره نشا ومرزام تقول مرزام بيتنا وماشالله عليه لقافه غير طبيعيه

المهم

قلنا أنت تنام في الصاله
تجلس عند التيلفزيون أحسن لك
قال أبو عبدالعزيز :لا ماينام في الصاله ينام معك يافتو وعبود
ويطلب من الإستقبال فراش ويسدحه في غرفتنا وعبود وده يكفخه بس بينام معنا غصب عن عيونا
المهم قال أبو عبدالعزيز :يالله نامو عشان العصر تقومون وتتغدون ونطلع للمسابقه نشوف وش عندهم
المهم
كلن راح لغرفته
وجلست على سريري وأفتح اللاب أتفرج على فلم برزن بريك الجزء الثالث الحلقه العاشره

وعبود منزسدح على سريره وسي محمد منجضع في الأرض ومسواكه في ثمه

شفت الوضع مطمئن قلت خل أروح أقضي حاجتي في الدوره

يوم جيت ألا حماده جالس على سريري وحاط السماعات ويكمل الفلم يوم شافني تلعثم قال :وش هالمنكر اللي تشاهده
قلت مسوي أنت ماشاهدته يا أخ العرب
قال لا مارأيته ولم تنضر عيني له قط
قلت أنا موقف الفلم على الدقيقه ثلاثين وألحين الدقيقه ثلاث وأربعين
قال هداك الله
قلت له جزاك الله خير
وأنسدت نفسي أوسحبها نومه
طبعا أنا إذا نمت ماشالله علي نومي خفيف ما أعفس الناس عند القومه<سذوب
وأتوقض فجأه وأطالع الساعه ألا الساعه تسعه العشاء والعيال ولا واحد في الشقه
وأقوم وأصلي العصر والمغرب والعشاء شوي ألا يدخلون قال أبو عبدالعزيز:ماشالله صح النوم صليت
<يشوفني عالسجاده ويقول صليت
قلت أبشرك بس ليش ماقومتوني أروح معكم
يوم قلته يوم أنفجعو مساكين
قال أبو عبدالعزيز :انا جيت هزيتك هزيتك قلت قم بنروح قلتنت بأنوم
قال حماده:حتى أنا جيت أقويمك بس مانفع
قال عبودي:أنا جبت سطل مويه وكبيته عليك ولافاد
<ساعتها أكتشفت أن الرطوبه الي في السرير كانت مويه ماكانت شي ثاني فحمدت ربي
قال أبو عبدالعزيز:خلاص تعشو ونامو خصوصا أهل القرأن والحديث والمقاله والطالب المثالي أما أنت يافتو وعبود فموعد المسابقه بعد بكره يعني خذو راحتكم بس لاتتعدون الفندق
قلنا أوكي
رقدنا الشباب ونزلنا الإستقبال جلسنا في المقهى وكان زحمه
وجنبي كرسي فاضي
ويجي ذاك الرجال الكويتي ويقول عادي أجلس جنبك هني
قلت تفضل أنت أمر حبايبنا أنتو
(وده أنه المسكين مات ولا جلس جنبي )
وبدأ ت فهامت عبود يسأل الرجال:ماشالله الأخ من الكويت الشقيقه
قال الرجال:أشدعوه الكويت في أفريقيا يبا(يقصد يبه) أحنا ييرانكوم (جيرانكوم)
قلت :لاتشره على عبود تراه يدربي راسه وكمخه
قال الرجال:لا حاشاه هذا زين الرياييل(الرجاجيل)
قل عبود:الرياييل وش تقصد
قال الرجال:رياييل يعني ريال وريال وريال يصورون رياييل
قلت:لامايصيرون رياييل

ريال وريال وريال يصيرون ريالات
قال الرجال :ياخي مافهمت شأقصد
أقصد ريال
قال عبود:يعني فتو مايسوى ريال
قال الرجال:أجل أستأذن أنا وفرصه سعيده إني تعرفت على هالوييه(وجيه)الطيبه
قال عبود :وش معنى هالوييه
والرجال مسكين على نياته يجاوب
المهم أستأذن الرجال وراح جلس في طاوله ثانيه
ويوم راح ويفقع عبود ضحك
وأنا الي أصكه بكف وأقول:عيب علينا نستهبل على الرجال قم خل نروح نتسامح منه
ونجي ونقول:يا الطيب أحنا أسفين بس كنا نضحك معك
قال:أدري أنكم تستهبلون بس قلت شكلكم سبايك خل يفلونها

ونطلع للغرفه ونا نلقط وجيها

طلعنا ألا حماده مابعد نام جينا بنوم ونخل عليه في الغرفه الا مطيبها بريحة طيب فله أسمه ثوم
وأنا الي أسحب عمري وأرقد في الصاله مع عبود


وباقي الأيام سارة طبيعيه إلى أن رجعنا إلى جوهرة الخليج(الرياض) محملين بالدروع والجوائز الي مردها للمستودع



مايستفاد من القصه
¤)الشباب حماده الملقوف
لو يقصون يدك لاتروح معه رحله
¤)لاتفلها واجد مع ناس ماتعرفهم عشان لايقولون لك يالسبيكه

¤)إذا بغيت تسافر فلاتسافر مع إدارة التعليم
إلا إذا كنت مطفر

<center> >>>>> ردود الأعضـــــــــــــــــــاء على الموضوع <<<<<
================================== </center>
ههههههههههههههههههههههههههههههههههه

يعطيك العافيه

__________________________________________________ __________
ويجي ذاك الرجال الكويتي ويقول عادي أجلس جنبك هني
قلت تفضل أنت أمر حبايبنا أنتو
(وده أنه المسكين مات ولا جلس جنبي )
وبدأ ت فهامت عبود يسأل الرجال:ماشالله الأخ من الكويت الشقيقه
قال الرجال:أشدعوه الكويت في أفريقيا يبا(يقصد يبه) أحنا ييرانكوم (جيرانكوم)
قلت :لاتشره على عبود تراه يدربي راسه وكمخه
قال الرجال:لا حاشاه هذا زين الرياييل(الرجاجيل)
قل عبود:الرياييل وش تقصد
قال الرجال:رياييل يعني ريال وريال وريال يصورون رياييل
قلت:لامايصيرون رياييل

ريال وريال وريال يصيرون ريالات
قال الرجال :ياخي مافهمت شأقصد
أقصد ريال
قال عبود:يعني فتو مايسوى ريال
قال الرجال:أجل أستأذن أنا وفرصه سعيده إني تعرفت على هالوييه(وجيه)الطيبه
قال عبود :وش معنى هالوييه
والرجال مسكين على نياته يجاوب
المهم أستأذن الرجال وراح جلس في طاوله ثانيه
ويوم راح ويفقع عبود ضحك
وأنا الي أصكه بكف وأقول:عيب علينا نستهبل على الرجال قم خل نروح نتسامح منه
ونجي ونقول:يا الطيب أحنا أسفين بس كنا نضحك معك
قال:أدري أنكم تستهبلون بس قلت شكلكم سبايك خل يفلونها

ونطلع للغرفه ونا نلقط وجيها

هههههههههههههههههههههههه بالله باللله مافهمتو كلام الكويتي هههههههههههه واضح والله من الخبال الي فيكم ياريال هههههههههههههه لبى الكويتي شفت قلبه طيب لو انا لاصقعك انت والي معاك اجل تستهبلون علي معصي هههههههه انا ماصدق تكفى بالله مالقو غيرك ياخذنوك مع المطاوعه وتتابع فيلم بعد اي يامنعون الخير ههههههههههههههههه مت ضحك ع هالمقطع يسلمك ربي فتوت يامال الرجه


__________________________________________________ __________
الله عليك والله من جد ضحكت من حمااااااده وش هذا العله والله لوني مكانك يمكن عطيتة كف حلووو

واهم شيء الكويتي فديتهم ههههههه انتو صج حركاااات اعتقد انك خلاص توبه بلاش من هالروحه

تحيااااااااتي لك اختك شيهااااااااانه

__________________________________________________ __________
ههههههههههههههه
الله يوسع صدرك

__________________________________________________ __________
ههههههههههههههههههههههه

مررت من هنا ولك شكري

هههههههههههههههههههه