المساعد الشخصي الرقمي

مشاهدة النسخة كاملة : بنات يله الي تبي تسجل بكورس اليوغا تدخل ترى مافيه وقت - خاص بالنساء



hamida
12-30-2014, 02:50 PM
عنوان الموضوع : بنات يله الي تبي تسجل بكورس اليوغا تدخل ترى مافيه وقت - خاص بالنساء
مقدم من طرف منتديات الشامل (http://chamil.xplainer.net)

مرحبا بناااااااااااات انا اليوم جايبه خبر حلووووو:happy: وووو للبنات المنطقه الشرقيه بالسعوديه

ومنها بنات الظهران والخبر والدمام وبعد القطيف

احب اخبركم انه فيه كورس يوغا قريب حيكون بتاريخ 16\ابريل الموافق 18 \ربيع الاول بيكون يوم الاحد

مدة الكورس 5 ايام اتوقع وبيكون بمنطقة الظهران داخل سكن الي تحب تسجل تقول لي عشان اساعدها

انا خلاص سجلة طبعا بيسير الي المره الثانيه اخذ فيها الكورس لاني بصراحه خذيته مره والحين ابي

اخذه انا ومجموعه بنات من صاحباتي والكورس مايتفوت ابد لانه مايتسوى بالسعوديه وهاي اول مره يكون الكورس عندنا بالسعوديه و الكورس نسائي ومافيه رجال والمدربه اماراتيه يعني الكورس بلغه

عربيه ..........

ملاحظه: ممكن ترسلون لي على الخاص للي بتسجل او تبي تسأل عن اي شيء خااااااااااص
وانا مستعده اوضح لكم معنا اليوغا ....

ولي رجعه انشاء الله اوضح لكم اليوغا اكثر

تقبلو مني تحيتي :نــــــــــور

*******بنات تفاصيل عن اليوغا في ردي الثاني على اختي الغاليه اميرة القمر**********

<center> >>>>> ردود الأعضـــــــــــــــــــاء على الموضوع <<<<<
================================== </center>
فراغ العاطفة

مشكوور اختي على الموضوع المتميز والقيم

بس انا مو ممكن اشارك فيه عشان انا مو سعوديه

لك مني اعطر التحية

__________________________________________________ __________
يسلمو اميرة القمر على المرور

وانشاء الله البنات يستفيدون لانه بصراحه الكورس هذا مره حلو يخفف من الظغوط النفسيه والضيقه

وحتى يساعد مرضى السكر والروماتيزم و ممكن بالكورس تعبرين عن الي بداخلك

وصدقوني ماتخلص ال5 ايام الا وانتم عارفين ايش الي لكم والي عليكم

كمان ممكن تترتب خططك المستقبليه ومعاملتك مع الي حولك تتغير

================================================== ==

اليوغا نوعين : اليوغا و الحتى يوغا

ببداء لكم باليوغا: هي الجسد /التنفس\ الآفكار او الفكر\العقل التحليلي\الذاكره\الذاتيه الي هي ال(أنا)\الروح

هي كلها تدخل باليوغا
مراكز الطاقه:الغذاء والتنفس والنوم والعقل
واليوغا لما تمارسينا تركز لك على كل مناطقها

طريقة تنفس اليوغا: زي طريقة تنفس الاطفال المواليد وهي الطريقه هي اصح طريقه للتنفس بس احنا مع العمر ننسى نفسنا وتنفسنا ونسير ناخذ الامور بعجله هالي يغير طريقة التنفس
اسم التنفس الخاص بتمارين اليوغا: تنفس الآوجاي
وهو انك تتنفسين من وراء الحلق وبالرئتين
وبعد التنفس يجي مناطق (البراناياما)==== معنا البراناياما بيت الطاقه عند الانسان
ولها 3 مناطق :
1\الراشن ==الي هي منطقة الحوض والبطن وتسمى بمنطقه الخلق
2\المنتينس==الي هي منطة الصدر وتعمل بصيانة الرئه وهاي يعاني منها مرضى الربو ويمارسون اليوغاعشان يخففون من حدة الربو ومع الوقت بصراحه يخف الربو
3\منطقة الرأس في العقل وهو للتحطيم وبناء الافكار
وهالمناطق كلها لما تمارسين اليوغا تطلع لك بلفظة (أوم)
أ == من المنطه الاولى الي هي البطن
و==من المنطقه الثانيه الي هي الصدر
م== من المنطقه الثالثه ال هي الرأس
بتقولون اشلون انا اقول لكم لما تقولون كلمة اووووم تحسون بكل منطقه ولها حرف وكلمة اوم هي زي كلمة ااااااااااه وااااااااااخ الي دايم حن نرددها بس اوم هاي تكون شامله 3 مناطق راناياما اما اخ واه ماتحسين الا بالتعب لما تقولينا وكل يوم اه واخ نتعب ولا نستفيد شيء
وفيه تمرين ايضاً اسمه ( الباستريكا) هذا التمرين يعمل زي المنفاخ ويققل من الظغوط الداخليه

وفيه تمريناسمه(الذات) يعزز ثقتك بنفسك ويقوي ذاتك اذا كنتي بتدخلين اجتماع او بتقابلين انسان وانتي خايفه من وقوفك قدامه

وفيه اشياء حلوه تتعلمينها خلال الخمس ايام من افكار ومخططات
ملاحظه: اليوغا لا تمارس ساعه كامله بل نصف ساعه مع الاسترخاء و هي رح تعوضك عن نومة العصر والظهر وحتى انتي تخلصين يوغا تحسين بنشاط جديد كنك قايمه الصبح

انشاء الله اكون افدتكم ولو القليل

تقبلو مني تحيتي:نـــــــــــــور

__________________________________________________ __________
بس انا مايمديني لاني من المنطقة الغربية في المملكة

يسلموو يالغلا عالموضوع ’’

تحيتي لكـ ’’

__________________________________________________ __________
:001:
انا مو بالمملكه اصلاً
يؤؤؤؤؤؤؤؤه والا كان فخااطري اتعلم يوغا
وخاااصه لانه مفيده

يسلمووو فروغه

__________________________________________________ __________
تسلموووووووووووووووون بنات على المرور مو شرط تكونون بالمملكه

بس يكفيني مروركم ومشاركتكم

ولا خلى ولا عدم من تواجدكم بمواضيعي

تقبلو مني تحيتي:نــــــــــور